Опубликовано: Автор: & Категория: Байташ.

Автор: Марет Эльдиева

Исполнитель: Малика Гуно (Dodam)
Обработка: Zama.FM

[toggle hide=»yes» border=»yes» style=»white»]Исс эзар чкъор дина, бакъдерг сайн дагца ас хьулдарх,
Исс эзар узам беш, бIаьрхиш сайн канашкахь гулдарх,
Хазачу дешнех ас юьйцина керт йина ойла,
Дуьненна йоьлху сан гатйина безамо Iойла..

БIешерийн хьаннашкахь хьо лоьхуш, ас дина некьаш,
БIешерийн къизаллехь ас текхна азаллин декхарш —
Шедаган гIайгIанах даггара хьуна беш тийжам,
Абаден къа хила, сох хьаьрчи, багош сатийсам..

Адамийн кхетаман чолакха бустамаш дуохош,
БIаьргаш а дилхи сан, гIиллакхах, собарах йохош..
МостагIийн, доттагIийн IиндагIаш доьлу ца дешаш,
Безначийн, безачийн бIаьргаша хьоьсту, сох тешаш..

Безаман ойлано нагахь хьан ойла ца ястахь,
Безаман йовхоно и хьан дог — ша-тIулг ца дастахь,
Хьан доIин Iаь хила, хьожур ю дагна тIе кхача,
Хьан къинойн цIе хила, юьсур ю хьан новкъахь яга..

Кхин цкъа а хьаннашкахь ас дийр ду хьо лоьхуш некъаш,
Кхин цкъа а къизаллехь лахьор ду ца текхна декхарш,
Шедаган гIайгIанах безаман сатийсам белхош,
Цхьалла сох хьерчар, ю куралло хьан некъах къехкош…[/toggle]

11 комментариев в “Безамах дагара (М. Эльдиева)”

  1. Hassan Ben Ehlmann

    Субхьана-Ллаh! Инзаре ч1ог1а хаза хийти суна х1окху байтан дешнийн чулацам а, ишта иза ешар а!
    Баркалла, Марет!
    Баркалла, Малика!

    Ответить
  2. Деган аз

    Марета! Малика!
    АллахIа Дала диканца ЦIехьа дерзадойла вайн дегнийн Хьомсарийн дерриге некъаш…)

    Ответить
  3. Хьава Гудаева

    ма дагчуьра схьа бина болх бу иза Марет,Аллах1а а, доьзалш а хьостийла хьан дог.

    Ответить
  4. Insider

    Музыка должна быть фоновой, а в данном случае слова стиха остались за музыкой. Подкорректируйте, а то не различить о чём речь идёт. А автору спасибо за стих на родном языке.

    Ответить
    • Dodam

      Может, дело не в фоне, а в моём чтении?) Фон там очень удачный! Автору огромное спасибо за что, что зацепила своим стихотворением очень сильно)

      Ответить
  5. Элина

    Проникновенность, искренность, чистый голос, глубокий смысл слов — все это сыграло со мной злую шутку: я плачу. Браво, Малика! Мое уважение тебе и
    автору!

    Ответить
    • Dodam

      Шедаг — смычковый музыкальный инстумент, вроде свирели..
      Абаде — вечность без конца)

      Ответить

Добавить комментарий

Ваш e-mail не будет опубликован. Обязательные поля помечены *